Filmi “Hive” (Zgjoi) nuk arriti të nominohet për “Oscars 2022” edhe pse pritshmeritë nuk ishin edhe të vogla.
Filmi i regjisores, Blerta Basholli “Zgjoi” ishte pretendent për çmimin “Filmi më i mirë në gjuhë të huaj”.
“Hive” kishte tematikë historinë e njërës prej grave të Krushës së Madhe e që ishte Fahrije Hoti ku rolin e saj e intepreton, aktorja Yllka Gashi ndërsa rolet tjera nga aktorët: Çun Lajçi, Aurita Agushi, Kumrije Hoxha, Adriana Matoshi, Kaona Sylejmani, Ilir Prapashtica, Molikë Maxhuni, Astrit Kabashi, Xhejlane Terbunja, Shkëlqim Islami, Valire Haxhija-Zeneli dhe Blerta Ismaili.
Regjisori dhe aktori kosovar, Fatos Berisha ka treguar arsyet se pse “Zgjoi” nuk arriti të nominohet për “Oscars 2022”.
“Pa marr parasysh që nuk u nominua, filmi “Zgjoi” arriti të bën historinë, jo vetëm duke u futur në rrethin e ngushtë për “Oscar” (ku la prapa filma nga shtete si Franca, Çekia, Rusia etj), por duke fituar 3 çmime në “Sundance” si dhe një mori çmimesh tjera gjithandej nëpër botë. Poashtu duke u shfaqur nëpër rrjete të mëdha kinemasë nëpër botë si dhe platformat kryesore filmike botërore”, tha Berisha.
Pritshmëria ishte shumë e madhe por pse “Zgjoi” nuk arriti nominimin sipas regjisorit , Fatos Berisha?
“Natyrisht që pritshmëritë ishin të mëdha, sepse ishte në rrethin e ngushtë mes 15 filmave të përzgjedhur nga Akademia Amerikane. Përkrahja në Kosovë dhe jashtë saj, kudo që kishte shqiptarë ishte e madhe. Dhe kjo është shumë mirë. Kështu duhet të vazhdon edhe për filmat tjerë në të ardhmen. U pa edhe një here sa është i fuqishëm filmi për promovimin e Kosovës dhe përkrahja për filmin duhet përfundimisht të rritet shumëfish. Thjesht është industri tepër e madhe, konkurrencë globale dhe Kosova me madhësinë dhe buxhetet që i ka arritur përtej pritshmërive”, u shpreh ai.
Filmi “Shok” gjithashtu ishte nominuar për “Oscars”, megjithatë nuk arriti të fitonte. A e ndjeku fati i njëjtë edhe filmin “Zgjoi”, flet Berisha për Lajmi.net.
“Duhet krahasuar gjithmonë me shtete shumë më me tradite dhe me histori e buxhete enorme se sa vështirë dhe ato arrijnë deri te nominimet për të kuptuar arritjet e filmave “Shok” dhe “Zgjoi”, përfundoi Berisha.
