Historiani Durim Abdullahu vlerëson se akuzat që i janë bërë ish-politikanit Xhafer Deva i janë bërë edhe sa ishte gjallë.
“Ne nuk jemi mbledhur t’i bëjmë gjyqin Xhafer Devës. Figura e tij nuk është figurë dhe periudhë e panjohur për ne si historianë. Nuk po flasim në ajër për figurën e tij. Meqë restaurimi i shtëpisë së tij u bë shkak i diskutimit të kësaj figure, projekti i restaurimit ishe një sqarim shterues, kritikat që u bënë këto dy ditë ishin akuza si kriminel lufte dhe kolaboracionist i nazistëve”.
“Nuk mund të krahasohet një figurë si Xhafer Deva si kolaboracionist, si ata që i vranë hebrenjtë në një kanal. Akuzat që u bënë këto 2 ditë ndaj Xhafer Devës i janë bërë edhe sa ishte gjallë”.
Abdullahu, theksoi se Deva ishte bashkëpunëtor i nazistëve, por nuk kishte bindje si të tyre, njofton Klankosova.tv.
“Deva është një figurë e njohur për historinë, pasi veprimtaria e tij e gjitha është e dëshmueshme. A ishte një bashkëpunëtor i nazistëve, padyshim që ishte, por bindje naziste nuk kishte”, tha Abdullahu.
