Kryetari i Kuvendit të Kosovës, Glauk Konjufca së fundmi në një konferencë për media ka njoftuar se sapo të paraqitet në mbledhjen e Kryesisë Ligji për shpenzimet e deputetëve, do të trajtohet me optimizëm ndërsa nëse merr votat e duhura të opozitës, do të shkojë në Kuvend, raporton InLajmi.
Por sipas tij, tashmë 2 parti kanë thënë se nuk do ta përkrahin këtë vendim.
“Sapo kjo të paraqitet në mbledhjen e kryesisë do ta trajtojmë dhe me optimizën nëse do t’i merr votat edhe të subjekteve të tjera politike, të cilat që besa deri tani kanë thënë se nuk e përkrahin një vendim të tillë së paku 2 subjektet politike. Kjo sipas shpjegimit të tyre kjo ka ndodhë në vitin 2011 ku është thënë se po bëhet që të ketë një barazi në mes të deputetëve, pra mes atyre që jetojnë larg Prishtinës dhe ata që jetojnë këtu e që mund të vinë pa ndonjë shpenzim në Kuvend”,tha Konjufca.
Ndryshe, Grupi Parlamentarë i LVV ditë më parë ka njoftuar se ka hequr dorë nga shpenzimet e deputetëve për karburante. /InLajmi/
