Shërbimi Korrektues i Kosovës ka bërë të ditur se janë rikthyer vizitat familjare, përcjell InLajmi.
Siç njofton SHKK, për shkak të vlerësimit të gjendjes së përgjithshme të pandemisë në vend, për të ruajtur shëndetin e të burgosurve si dhe stafit nëpër burgje, nga data 8 shkurt 2022.
Ndërsa kushdo që viziton të afërmit e tyre duhet tu përmbushet këtyre kushteve:
Vizita familjare për të burgosur në institucionet korrektuese lejohet për 2 persona të rritur dhe një fëmijë
-Gjatë kohës së vizitës, vizitorët duhet të mbajnë maskat mbrojtëse
Secili vizitor para se të hyjë në institucionin korrektues, duhet të dëshmojë certifikatën për vaksinim me 2 doza, në rast të mos vaksinimit vizitorët duhet të posedojnë testin RT-PCR negativ për COVID -19 jo më i vjetër se 48 orë
Për fëmijët nën moshën 12 vjeçare nuk kërkohet vaksinimi dhe testi për COVID 19;
Lejohet shfrytëzimi i benificioneve për të dënuar (vikend në shtëpi), ndërsa në momentin e kthimit në institucion, i dënuari i cili nuk i ka marr 2 dozat e vaksinimit duhet të dëshmoi testin për COVID- 19, në rast se testi rezulton pozitiv, i njëjti duhet të karantinohet në institucionin korrektues;
Lejohen vizitat në lokalet e veçanta në institucionet korrektuese.
Shërbimi Korrektues i Kosovës do të vazhdojë bashkërendimin institucional me institucionet relevante të Republikës së Kosovës dhe do të mbajë të informuar opinionin publik rreth hapave në vazhdim./InLajmi/
