Mbledhja e Kryesisë së Kuvendit të Kosovës që ishte caktuar të mbahet këtë të hënë lidhur me ndryshimin e vendimit për shpenzimet e deputetëve për karburante ka dështuar të mbahet për shkak të përplasjes që ka ndodhur në mes të shefit të Grupit Parlamentarë të LDK-së, Arben Gashi dhe shefit të Kabinetit të krye parlamentarit Glauk Konjufca, Ilir Kërçelit, raporton InLajmi.
Në një konferencë për media ka folur edhe deputeti i Lëvizjes Vetëvendosje, Adnan Rrustemi, i cili tha se është sharë e ofenduar edhe ai nga shefi i Grupit Parlamentarë të LDK-së, Arben Gashit.
“Mbledhja e sotme dështoi shkaku i sjelljes së shefit të LDK ndaj meje e cila kaloi edhe në sharje. Ne si grup përveç se kemi hequr dorë kërkojmë të bëhet një gjë e tillë për deputet sa i përket shpenzimeve. Ne natyrisht që jemi të angazhuar për të rregulluar çështjen e pagave. Ne do të kërkojmë që kuvendi të rishikojë vendimin e vitit 2011. Ne jemi të bindur që ky kompensim është i tepërt për deputetët”,tha Rrustemi.
Më tej Rrustemi theksoi se nuk duhet të kompensohen shpenzimet e derivateve.
“Ne jemi për rregullim të përhershëm. Deputetët mos ta kenë pjesë të pagës kompensim udhëtimin”,tha Rrustemi.
Ndryshe, deri më tash asnjë parti nuk është deklaruar se kanë hequr dorë nga shpenzimet e deputetëve për karburante, përveç Grupit Parlamentarë të LVV-së. /InLajmi/
