Kreu i Komunës së Deçanit, Bashkim Ramosaj ka thënë se i mirëpresin vendimet e Prokurorisë Themelore të Pejës në lidhje me rastin e helmimit të 1.500 qytetarëve në këtë komunë gjatë muajit korrik të vitit 2021, pëcjell InLajmi.
Ai ka deklaruar se shpreson që ky rast të hetohet deri në fund.
Tutje Ramosaj ka ritheksuar insistimin e Komunës së Deçanit për administrimin e ujit të pijshëm në të gjithë territorin.
Postimi i plotë i tij:
Komuna e Deçanit mirëpret veprimet e ndërmarra nga prokuroria themelore në Pejë, e cila sot, në konferncën për media, informoj që ka përfunduar hetimet, që kanë të bëjnë me rastin e helmimit të 1500 qytetarëve të komunës së Deçanit nga uji i pijes gjatë muajit korrik 2021.
Duke shpresuar që ky rast të merr trajtimin e duhur deri në përfundim të procedurave sipas ligjeve në fuqi.
Edhe njëherë, me të drejtë ritheksojmë se: Komuna e Deçanit insiston që të ketë në menaxhim dhe të administroj me ujin e pijes në të gjithë territorin e komunës së Deçanit!/InLajmi/
