Të paktën 13 persona kanë vdekur dhe 34 janë lënduar pasi që një autobus është përplasur në një shkëmb në provincën Yogyakarta të Indonezisë, transmeton InLajmi.
Shefi i Policisë, Bantul Ihsan ka njoftuar lidhur me detajet më të reja rreth këtij vetaksidenti, i cili ka ndodhur të dielën rreth orës 14:00.
Ndërkohë më tej, sipas Policisë, shoferi ka qenë i stresuar para se të ndodhë aksidenti, kjo bazuar në deklaratat e pasagjerëve që kanë shpëtuar.
“Duke cituar dëshmitë e të mbijetuarve, shoferi ka qenë tërë kohën në panik duke i ndërruar herë pas herë shpejtësitë. Ndërsa ka një dëshmitar që thotë se frenat nuk funksionuan”,tha ai për Daily Mail.
Ndryshe, sipas policisë, mes të vdekurve është edhe shoferi./InLajmi/
