Lulzim Paci, profesori nga Vushtrria, i cili u bullizua veç pse vallëzoi valle tradicionale, pastaj videot i shpërndau në llogaritë e tij sociale, ka qenë temë diskutimi për disa ditë me radhë në vendin tonë, përcjell InLajmi.
E rrjetet sociale janë stërmbushur me komente të mira e përkrahje, derisa ka pasur edhe kritika se në vend që të vallëzojë profesori le të publikon ndonjë video duke mësuar.
Gjatë ditës së hënë, profesori që tashmë është bërë i njohur, është ‘lajmëruar’ ku ka shkruar ‘2 fjalë’ për ata që e mbështetën por edhe ata që e kritikuan.
“Faleminderit nga mbështetësit dhe kritikuesit. Unë s’do të ndalem duke vallëzuar me valle kombëtare, ndërsa ata të cilët i marrin fotot e mia dhe i postojnë dhe ofendojnë njerëzit në emrin tim ,le të vazhdojnë se kot e kanë, veç lodhen”, ka shkruar profesori Paci në rrjetet sociale.
Ndryshe, reagimet e mëdha kanë qenë edhe ndaj deputetes së Vetëvendosjes, Fjolla Ujkani, e cili i quajti të pahijshme dhe degjeneruese videot ku profesori kërcen në shtëpinë e tij./InLajmi/