Një 8 vjeçare me autizëm është larguar ditë më parë nga shkolla fillore “Elena Gjika” në Prishtinë, përcjell InLajmi.
Nga kjo shkollë deklaruan se nuk ia kanë ndërprerë askujt shkollimin, mirëpo sipas tyre pas vlerësimit të nxënëses nga ekipa komunale, sipas ligjeve në fuqi, nxënësja është referuar të ndjekë mësimet në Qendrën Burimore “Përparimi”.
Por sot është vendosur që kjo vajzë të kthehet në shkollë.
Ky vendim është marrë nga përfaqësues të MASHT-it, Drejtorisë komunale të Arsimit në Prishtinë, përfaqësuesit e SHFMU “Elena Gjika” dhe prindi i fëmijës.
“Pas analizës se situatës dhe rrethanave të krijuara, është vendosur që fëmija të kthehet në shkollë, ndërsa shkolla duhet të vazhdojë procedurat e vlerësimit pedagogjik me instrumentet që janë në kompetencë të shkollës”,ka njoftuar këtë të hënë, Ministria e Arsimit.
Më pas lidhur me këtë rast, sipas Ministrisë do të vijojë vlerësimi pedagogjik nga ekipi vlerësues pedagogjik komunal. Po ashtu do të vazhdohet me procedura të vlerësimit për të vendosur për resurset dhe intervenimet pedagogjike që i nevojiten fëmijës./InLajmi/
