Këngëtarja Billie Eilish, e cila sapo filloi turneun e saj botëror nga Shtetet e Bashkuara ka shpëtuar gjatë koncertit të saj, një fanse e cila hasi vështirësi në frymëmarrje.
Episodi ndodhi të dielën gjatë koncertit në Atlanta, ku këngëtarja vuri re se një fanse e radhës së parë ishte në gjendje të rëndë për shkak të presionit të turmës
Eilish ndërpreu menjëherë shfaqjen dhe kërkoi ndihmë, për të rifilluar koncertin vetëm pasi u sigurua se vajza ishte mirë.
Fansja dukej se nuk mund të merrte frymë. Billie thirri menjëherë stafin për të shpëtuar vajzën dhe ndërkohë filloi t’i kërkonte pjesës tjetër të publikut të bënte disa hapa prapa për t’u dhënë më shumë hapësirë njerëzve në rreshtat e parë, transmeton A2CNN.
Episodi të kujton atë që ndodhi vitin e kaluar në Astroworld, të organizuar nga reperi Travis Scott, kur 8 spektatorë vdiqën të shtypur nga turma.
