I pari i Komunës së Deçanit Bashkim Ramosaj, së fundmi ka njoftuar se ka nënshkruar marrëveshje bashkëpunimi së bashku me Organizatën për Zhvillim Rural “Mëshqerra “ në lëmin e blegtorisë, përcjell InLajmi.
Nga ky bashkëpunim do të përfitojnë 22 fermerë nga një lopë qumështore në kontingjentin e parë derisa të tjerët në kontigjentet e tjera.
Afati për aplikim do të jetë i hapur nga sot deri më 18 të këtij muaji.
Postimi i plotë i tij:
Të nderuar blegëtorë të Komunës së Deçanit,
Në kuadër të angazhimit tonë për të zhvilluar sektorin e bujqësisë në Komunën tonë, kemi nënshkruar sot, marrëveshje bashkëpunimi me OZHR “Mëshqerra” në lëmin e blegtorisë, në të cilin bashkëpunim 22 fermerë do të përfitojnë nga një lopë qumështore në kontigjentin e parë dhe të tjerë në kontigjentet tjera.
Afati për aplikim fillon nga sot, datë: 07.02.2022 dhe zgjatë deri më datë:18.02.2022.
Aplikacionet dorëzohen në zyrën e Drejtorisë së Bujqësisë nr:34, në katin e tretë të Komunës së Deçanit.
Ju ftojmë që të aplikoni!
BR/InLajmi/
