Presidenti amerikan Joe Biden javën e kaluar ka përsëritur në një fjalim pretendimin se në kohën e miratimit të amendamentit të 2-të amerikanë s’mund të blinin top artilerie. Si herën e parë po ashtu edhe të 2-tën ishte gabim, siç u dëshmua nga media të shumta amerikane.
Presidenti Biden mbajti fjalim në debatin e vazhdueshëm rreth dhunës me armë dhe kontrollit ndaj tyre dhe gafa më e madhe sipas disa mediave ishte ky.
“Kjo nuk ia shkelë askujt të drejtat e amendamentit të 2-të, ju s’mund të blinit një top kur ky amendament u miratua. S’ka asnjë arsye që ju nuk do të mund të blini disa armë sulmi të caktuara”.
Jo për herë të parë Biden ishte demantuar nga mediat siç kishte bërë edhe The Washington Post që i kishte dhënë 4 pinokë për këtë rrëshqitje, që sipas tyre ai ishte gabim.
Kongresi sipas kushtetutës amerikane ka të drejtë të shpallë luftën por ka edhe të drejtën e miratimit të letrës së ‘Marque and Reprisal’ që i mundëson qytetarëve privat të armatosen dhe të sulmojnë caqe armikut. Kjo ka vlejtur për anije private që mund të furnizoheshin me sado artileri që mundeshin, transmeton Gazeta Metro.
Në ditët e sotme ju mund të blini një top edhe në SHBA. Nëse janë modele të para 1898 dhe kanë përdorim vetëm për salut. Ndërsa nëse nuk është i para 1898 dhe i kufizuar vetëm për salut, iu duhet të paguani një taksë prej 200 dollarësh, plotësoni disa formularë dhe të prisni ca kohë.
