23 vjet më parë, gjegjësisht më 6 shkurt të vitit 1999 në afërsi të Parisit të Francës, është mbajtur Konferenca e Rambujesë, ngjarje kjo mjaftë me rëndësi pasi që synonte zgjidhjen e krizës në Kosovë, shkruan InLajmi.
Pas “Masakrës së Reçakut”, fshat i cili ndodhet në Komunën e Shtimes, ku kryesuesi i delegacionit të OSBE-së në Kosovë i mandetuar nga Organizata e Kombeve të Bashkuara për Kosovën Uliam Voker kishte shkuar për vizitë të njihet nga afër me gjendjen faktike të cilën e kishte bërë politika e Sllobodan Millosheviçit.
Në këtë masakër ishin masakruar gjithsej 45 shqiptar civil të paarmatosur. Ambasadori Voker nuk hezitoi ta quaj këtë masakër krim kundër njerëzimit dhe kërkoj mbledhje urgjente në Këshillin e Sigurimit.
Objektiva e kësaj konference ishte parandalimi i gjenocidit të regjimit politik të Sllobodan Millosheviçi i cili kishte ushtruar ndaj popullatës shqiptare në Kosovë. Delegacioni serb e kishte pranuar propozimin e marrëveshjes për mbrojtjen e qëndrimeve të trupave të NATO-së të mos lejohet kalimi i këtyre trupave të forcës ndërkombëtare në shtetin serb që ekziston në kuadër të Kombeve të Bashkuara.
Pas dështimit të parë të bisedimeve në mes palës shqiptare dhe asaj serbe, ku nuk ishte gjetur asnjë koncenzus politik rreth zgjidhjes së situatës që ishte krijuar në Kosovë.
Sipas parimeve të teorisë dhe praktikës të negociatave raundi i parë i bisedimeve kishte zgjatur rreth 18 ditës, saktësisht nga 6-23 shkurt 1999, këto negociata u cilësuan si negociata të humbura apo si negociata të njohur në teorinë dhe praktikën e fushës ndërkombëtare si “Los –Lose”, ku të 2 palët nuk kishin arritur asgjë konkrete.
Delegacioni i Kosovës kishte pranuar parimisht propozim-marrëveshjen për zgjidhjen e krizës në Kosovë, të cilën e kishte propozuar Grupi i Kontaktit. Delegacioni serb, sado që parimisht pranoi këtë propozim-marrëveshje, mbrojti qëndrimin që trupave të NATO-s të mos u lejohet kalimi nëpër Serbi dhe forcat ndërkombëtare në Kosovë të jenë në kuadër të Kombeve të Bashkuara.
Edhe rrethi i 2 i bisedime që filloi më 15 mars në Paris përfundoi pa sukses. Delegacioni kosovar dhe ai serb kishin nënshkruar më 18 mars marrëveshje të ndryshme. Delegacioni i Kosovës kishte nënshkruar marrëveshjen e ofruar nga bashkëbiseduesit ndërkombëtarë, ndërkohë që delegacioni serb kishte nënshkruar projektmarrëveshjen politike, marrëveshjen për vetëqeverisjen në Kosovë.
As tentimi i fundit, më 22 mars 1999 i të dërguarit special të SHBA-ve, Richard Holbrooke nuk ishte i suksesshëm. Por më 24 mars 1999, NATO filloi bombardimin e trupave ushtarake dhe paramilitare të Serbisë. Bombardimet përfunduan më 6 qershor 1999 me nënshkrimin e Marrëveshjes së Kumanovës që parashihte tërheqjen e trupave jugosllave nga Kosova dhe vendosjen e trupave paqësore ndërkombëtare.
Ndryshe, Këshilli i Sigurimit i OKB-së miratoi rezolutën 1244 me të cilën u vendos protektorati, prania ndërkombëtare në Kosovës, UNMIK-ut si mision civil dhe KFOR-it, mision ushtarak./InLajmi/
