Pjesëtari i Plocisë së Kosovës, Amir Hoxha, po pretendon së u suspendua nga puna me të vetmen arsyeje që komentoi shpenzimet e deputetëve të kuvendit të Kosovës, përcjell InLajmi.
Hoxha thotë se vetëm është shprehur i pa kënaqur në lidhje me shpenzimet dhe kjo i solli suspendimin nga puna, e që sipas Policisë se Kosovës i njëjti është suspenduar me pretekstin se ka kryer vepër penale ose shkelje disiplinore.
Polici ka thënë se qëndron pas fjalëve që ka thënë në lidhje me shpenzimet, duke potencuar se po i bëhet diskriminim i kundërligjshëm.
Postimi i plotë i tij:
Miq të nderuar:
Sapo mora njoftimin per suspendim të përkohshëm timin në afat prej 3 ditesh lidhur me një postim qe e kam bërë me datën 04.02.2022 ne lidhje me pakënaqësinë time per mospagesën e shujtave për policët ne kryerje të detyrës e qe ligjërisht na takojnë .
Suspendimi vjen me pretekstin se unë kam kryer veper penale apo shkelje të rëndë disciplinore , e që me sa dij unë me njohurinë time si jurist i diplomuar në Universitetin e Prishtinës ” fjala e lire apo shprehja e nje paknaqesie e cila eshte e bazuar ne ligj” nuk paraqet vepër penale .
Edhe njëherë e potencoj se qëndroj prapa fjales sime me ndergjegje dhe me pergjegjësi të plotë prapa postimit tim ne lidhje me diskriminimin e kundërligjshêm që po na behet në pagë, qe per kete edhe kam bere padi ne Gjykaten themelore .
Deri sot te pakten kam besuar se jetoj ne nje vend demokratik , dhe se fjala e lire mbrohet dhe ruhet si vlerë dhe se vetëm ne regjimet autokratike totalitare sanksionohet me ligj , që shkel masovisht drejtat themelore të individit në veqanti dhe shoqërisë ne përgjithësi .
Mirepo ne kete pike paskna gabuar sepse Pushteti atëherë kur po u lëkundkan interesat e veta elektorale po i goditka edhe instrumentet e veta qe vet i perdor per ruajtjen e qenësisë se po atij pushteti .
Kërkesat e mija të ligjshme do ti adresoj në të gjitha institucionet ligjore që mbrojne te drejtat dhe liritë themelore të njeriut duke i përfshi gjykatat , ombuspersonin si dhe organizatat që merren për mbrojtjen e drejtave dhe lirive themelore të njeriut .
Me respekt Zyrtari Policorë nën masen e suspendimit :
Amir Hoxha # 9799 /InLajmi/
