2 skiatorë humbën jetën nga një ortek në Austrinë perëndimore, tha policia të shtunën, disa orë pasi një tjetër ortek në të njëjtën provincë la të vdekur 5 persona në një ditë jashtëzakonisht të rrezikshme në Alpe pas reshjeve të borës të ndjekur nga moti më i ngrohtë.
Sipas medieve të huaja, shërbimet e urgjencës gjetën trupat e 2 skiatorëve austriakë, që ishte i gruas 61-vjeçare dhe të një burri 60-vjeçar. Trupat u gjetën në orën 00:40 të mëngjesit të së shtunës, kur të afërmit e tyre ngritën alarmin kur nuk mund të kontaktoheshin.
Dyshja ishin nisur në rajonin e Tirolit të premten pasdite, derisa burri i tha një kontakti me telefon në orën 15:30 se kishin arritur majën Breitegg prej 1.868 metra. Ky ishte kontakti i tyre i fundit.
“Pasi nuk mund të kontaktoheshin më, të afërmit bënë një thirrje urgjente rreth orës 21”, tha policia në një deklaratë, pwrcjell Gazeta Express.
Ndryshe, në incidentin e mëparshëm të së premtes, një 42-vjeçar austriak, udhërrëfyes malor dhe katër skiatorë suedezë, të gjithë rreth të 40-tave, humbën jetën kur një ortek pranë qytetit Spiss në kufirin me Zvicrën i varrosi plotësisht.
