Është bërë e ditur nga Dogana e Kosovës së një zyrtare është suspenduar nga pozita, pasi që dyshohet se ka shkelur kodin etike, raporton InLajmi.
Ndërsa thuhet se ndaj të njëjtit do të vazhdohet proces gjyqësor për vepër penale në Gjykatën Themelore të Pejës, veprat që polici dyshohet it ketë kryer mendohet të jenë të pa pranueshme.
Veç tjerash Dogana e Kosovës ka dalë në përfundim se si institucion publik është në mbrojtje të çdo qytetari, ekonomisë dhe se dënon çdo akt që dëmton institucionin dhe qytetarët.
“Dogana e Kosovës ka marr vendim për largim nga puna të zyrtarit doganor, ndaj të cilit është në vijim procesi gjyqësor penal në Gjykatën Themelore në Pejë. Dogana e Kosovës është mirënjohëse për Prokurorinë Themelore që është duke bërë ndjekjen dhe për faktin se kanë siguruar provat, te cilat ka administruar Dogana e Kosovës në procedurë administrative. Provat e administruara janë të qarta për të besuar se zyrtari doganor gjatë ushtrimit të detyrave të punës ka bërë shkelje serioze të kodit të etikës, e të cilat janë të pa pranueshme për sistemin e standardeve dhe vlerave që përfaqëson Dogana e Kosovës si institucion publik. Dogana e Kosovës është në shërbim të interesit publik dhe zyrtarët janë të trajnuar për të ushtruar detyrat e punës në mënyrë profesionale, duke pasur në konsideratë përgjegjësinë për të përmbushur misionin e Doganës së Kosovës, që i shërben mbrojtjes së qytetarëve, ekonomisë dhe përfaqësimit dinjitoz të autoritetit ligjor. Çdo devijim nga kjo do të jetë i dënueshëm pa përjashtim”, thuhet në komunikatën për medie. /InLajmi/
