Me shqetësimin e larta për një luftë të mundshme midis Rusisë dhe Ukrainës, zëvendëssekretari i përgjithshëm i NATO-s, Mircea Geoana the se NATO nuk do të përfshihet ushtarakisht në Ukrainë, transmeton InLajmi.
Geoana theksoi se e mbështesin Ukrainën në shumë mënyra të tjera.
Në mobilizimin e fundit të trupave dhe armëve ruse në Ukrainë dhe Bjellorusi, Geoana i përshkroi lëvizjet si “të dyshimta dhe shumë të pazakonta”.
“Ne po shohim një mobilizim të mëtejshëm të pranisë ushtarake ruse në dhe rreth Ukrainës, në Bjellorusi, në një mënyrë të dyshimtë dhe shumë të pazakontë. Sigurisht që ju nuk i dini qëllimet e vërteta të Presidentit Putin dhe çfarë do të vendosë ai apo jo. Por ne jemi duke parë me shqetësim në rritje, mobilizimin e mëtejshëm të pranisë ruse në dhe rreth Ukrainës”, tha ai.
Asnjë palë e 3-të nuk ka të drejtën e vetos për anëtarësimin në NATO
Në lidhje me kërkesën e presidentit rus Vladimir Putin që NATO-ja të përjashtojë mundësinë e anëtarësimit të Ukrainës në aleancën ushtarake, zëvendëssekretari i përgjithshëm
“Askush nuk thotë se Ukraina do t’i bashkohet NATO-s së shpejti. Ukraina ka shumë gjëra për të reformuar brenda vendit. Dhe gjithashtu ne kemi nevojë që NATO-ja të ketë konsensus, sot nuk kemi konsensus për anëtarësimin eventual të Ukrainës në NATO, por duke thënë këtë, asnjë palë e 3-të nuk ka të drejtën e vetos për një vendim që është sovran i vendit dhe i organizatës në të cilën duan të anëtarësohen. Pra, varet nga ne”, shkruan France 24.
Më në fund, pasi Moska akuzoi Shtetet e Bashkuara se po përpiqeshin të nxisnin një luftë duke lëvizur trupat e NATO-s “në pragun e Rusisë”, Geoana kundërshtoi se janë veprimet e vetë Rusisë që e kanë shtyrë NATO-n të vendosë trupa dhe armë në rajon: “NATO nuk kishte çdo prani ushtarake në krahun lindor para vitit 2014, pas aneksimit të paligjshëm të Krimesë. /InLajmi/
