Vitin që lamë pas vrasja brutale e Marigona Osmanit nga Ferizaj tronditi gjithë Kosovën, e më gjerë. 18 vjeçarja dyshohet që u torturua deri në vdekje nga Dardan Krivaqa, i dashuri i saj.
Nëna e Marigonës, Valdetja flet për herë të parë dhe ekskluzivisht për shumë gjëra që deri tani nuk janë thënë në publik.
Marigona Osmani ishte fëmija i parë i qiftit nga Ferizaj Valdete e Muhabi Osmani. Si fëmija i parë e gëzonte dashurinë e gjithë familjes. Nëna e saj Valdetja thotë se, lidhja me të ishte shumë e fortë, ndoshta edhe për shkak të natyrës së saj të butë bënte që rrethi familjarë ta trajtonin me shumë dashuri e përkrahje.
“Fëmija i parë qysh gëzohesh unë i kam edhe 3 tjerë por nashta ajo ish kanë për atë dyja se di ajo u kanë melhem për varrë. Kurrë një llaf nuk ma ka kthy e pata ba si shoqe dalshim me ta nuk e di u kanë si e madhe gjithë më ka ndihmu shumë, kur dalshim qet kohën e fundit më thojke oj mam si ti baj 18 vjet ka me ia nis me punu edhe ska me u martu pa i ba senet e mia ka me dal jashtë ty me të qit në selamet”, thotë me lot në sy Valdetja në RTK.
Marigona në vitin 2021 kishte mbushur 18 vite dhe ishte në përfundim të shkollës së mesme ekonomike në Ferizaj. Nëna e saj, thotë se, e bija nuk ishte fëmijë problematik, por nga fundi i vitit shkollorë një telefonatë nga shkolla, kishte ngritur shumë dyshime të nëna e saj.
