Deputetja e Partisë Demokratike të Kosovës, Ariana Musliu Shoshi, së fundmi ka thënë se deputeti nuk duhet të paguhet as për karburante e as për pjesëmarrje në seanca e komisione, kjo pasi që sipas saj është detyrë obligative e tij, përcjell InLajmi.
Reagimi i saj së fundmi ka ardhur pas publikimit të një liste me emra të deputeteve të cilët kanë shpenzuar shuma të mëdha të parave nga buxheti i vendit për karburante.
Por, përveç kritikës, deputetja e PDK-së, ka kërkuar që deputetëve t’i krijohen kushtet për punë, kushte këto të cilat nuk i kanë tani për tani.
Postimi i plotë i saj, pa ndërhyrje:
Vleresoj se deputeti NUK duhet të paguhet as për karburant, as për pjesëmarrje në seanca e komisione.
Është detyrë obligative që deputeti të vij në seancë dhe komisione.
Por, ashtu si çdo zyrtar i lartë shtetëror, besoj edhe deputeti e meriton të i ketë kushtet elementare për punë siç është zyre për punë, keshilltarë dhe asistent.
Deputeti nuk e ka asnjërën./InLajmi/
