Kryetari i Partisë Demokratike të Kosovës, Memli Krasniqi, ka lavdëruar vullnetin dhe punën e skiatorëve kosovarë, të cilët për të 2-tën herë me radhë po marrin pjesë në Lojërat Olimpike Dimërore, përcjell InLajmi.
Krasniqi është shprehur mjaftë krenar më përfaqësimin që skiatoret Albin Tahiri dhe Kiana Kryeziu po ia bëjnë Kosovës, gjatë ditës së premte Tahiri barti flamurin e vendit në parakalimin e 91 shteteve që janë pjesëmarrëse.
Kujtojmë se skiatoret Albin Tahiri dhe Kiana Kryeziu kanë marrë pjesë këtë herë në “Pekini 2022”.
Postimi i plotë i tij:
Për herë të 2-të në historinë e shtetit tonë, Ekipi Olimpik i Kosovës po merr pjesë në Lojërat Olimpike Dimërore, këtë herë në “Pekini 2022”. Albin Tahirit, skiatorit tonë të dalluar që sot e barti flamurin e Kosovës në parakalimin e 91 shteteve pjesëmarrëse, por në mënyrë të veçantë skiatores Kiana Kryeziu, u uroj suksese në garën më të madhe sportive që ekziston. Ne jemi krenarë me sportistët tanë, të cilët çdo ditë e më shumë po e lartësojnë emrin dhe flamurin e shtetit. Fat e suksese! /InLajmi/
