Kreu i Aleancës për Ardhmërinë e Kosovës, Ramush Haradinaj, ka reaguar kundrejt çështjes së shtrenjtimit të energjisë elektrike në vend, po kësaj radhe ai i është drejtuar kryeministrit të vendit, Albin Kurti, përcjell InLajmi.
Haradinaj ka vendosur ta pyet Kurtin si po mendon ai ta ndihmoj vendin, pasi sipas tij është vet ai që po i ndalon investimet në Kosovë, ndërsa tutje ka fajësuar kryeministrin pasi sipas Haradinajt me ardhjen e tij në pushtet ka shkelur dhe harruar premtimet.
Veç tjerash Haradinaj ka thënë se Kurti ka premtuar lirimin e naftës për bujqit, e kjo jo që nuk ndodhi asnjëherë por edhe shpenzimet e karburantit të deputetëve të tij po dalin të jenë më të larta.
Postimi i plotë i tij:
Si do ta ndihmosh Kosovën Kurti?
– Në energji pengove e refuzove investimet dhe rrite çmimin
– Familjarët e anëtarëve të kabinetit tuaj, ministrave e deputetëve, nuk janë më për dasma, por për punësime e ngritje detyre në institucione
– Me militantët tu, në shpejtësi të paparë, kape bordet e institucioneve dhe ndërmarrjeve
– Në mesin e shumë premtimeve të tjera që i shkele sapo erdhe në pushtet, është edhe mbështetja për bujqit, të cilëve nuk ua lirove naftën e as nuk i subvencionove, por as nuk ule numrin e “xhipave qeveritarë”. Përkundrazi, deputetët tuaj, po dalin të jenë kampionët e harxhimeve buxhetore.
Rreth 100 mijë qytetarëve që kanë kërkuar vizë pune vetëm në njërën nga ambasadat, por edhe të gjithë qytetarëve të Kosovës, sqaroju se si do e ndreqësh gjendjen në këtë vend. /InLajmi/
