Përfaqësuesit e ekipit të Kosovës kanë parakaluar në ceremoninë hapëse të Lojërave Olimpike ”Pekini 2022”.
Ekipi i Kosovës parakaloi e 54-ta nga 91 ekipe pjesëmarrëse.
Ekipi olimpik që parakaloi në ceremoninë hapëse përbëhet nga: Albin Tahiri, flamurmbajtës, Bujar Turjaka, shef i misionit, Jeton Beqiri, zyrtar ndërlidhës për Covid-19, Musa Selimi, anëtar i Bordit Ekzekutiv të KOK-ut dhe Kushtrim Krasniqi, përgjegjës për media, përcjell KultPlus.
Ndërkaq, skitarja tjetër, Kiana Kryeziu, që ishte paraparë të mbante flamurin bashkë me skitarin Tahiri, nuk u lejua të marrë pjesë në ceremoni, sikurse trajneri Agim Pupovci i cili rezultoi pozitiv me Covid 19.
