Qeveria suedeze ka njoftuar se do t’i jap fund kufizimeve të vendosura për shkak të pandemisë gjatë javës së ardhshme.
Vendimi ka ardhur pasi Danimarka, Norvegjia dhe disa vende tjera evropiane kanë marrë vendim për lirimin e masave të rrepta.
“Është koha që Suedia të hapet sërish”, tha kryeministrja Magdalena Andersson, duke shtuar se “pandemia nuk ka mbaruar, por ka hyrë tashmë në një fazë krejtësisht të re”.
Kufizimet duke përfshirë distancën, orët e hapjes, certifikatat e vaksinave dhe maskat në transportin publik do të hiqen.
Suedia është duke përjetuar një valë të re të infeksionit me Covid, me një mesatare prej rreth 35.000 rastesh në ditë, por kjo nuk ka rënduar gjendjen nëpër spitale, përcjell Guardian
Andersson tha se 80% e suedezëve të moshës mbi 50 vjeç kanë marrë edhe dozën e 3 të vaksinës, transmeton Arbresh.info
Që nga fillimi i pandemisë, Suedia ka qenë një ndër vendet e rralla në Evropë që ka qëndruar e hapur edhe kur vendet tjera ishin në një izolim të plotë.
