Kryetari i Prishtinës, Përparim Rama ka njoftuar se sot është diskutuar për 2 projektet më të rëndësishme për komunën e që janë projekti për rijetësimin e hekurudhës dhe ndërtimin e sallës koncertale, përcjell InLajmi.
Rama njofton se ky takim është realizuar me udhëheqësin e Komisionit nga Zyra e Bashkimit Evropian në Kosovë, Luigi Brusa.
Rama thekson rëndësinë që kanë këto projekte për zhvillimin kulturor dhe infrastrukturë jo vetëm të Prishtinës por edhe Kosovës në përgjithësi.
Ai premton se edhe në takimet e ardhshme do të ndërmarrë hapa konkret për realizimin e këtyre premtimeve.
Postimi i plotë i tij:
Takim për projektet e Hekurudhës dhe Sallës Koncertale.
Sot patëm diskutim shumë konstruktiv me udhëheqësin e Komisionit nga Zyra e Bashkimit Evropian në Kosovë, z. Luigi Brusa, për 2 projektet me rëndësi të madhe për zhvillimin kulturor dhe rijetësimin e infrastrukturës së Prishtinës.
U fokusuam në vlerësimin e hapave të mëtutjeshëm që do të ndërmarrim si Komunë për t’i evituar vështirësitë potenciale.
Me kënaqësi mirëpresim takimin e radhës për të ndërmarrë hapa konkret për realizimin e këtyre projekteve me vlerë kapitale për Prishtinën e Kosovën. /InLajmi/
