Supermodelja 26-vjeçare Gigig Hadid u shfaq në kopertinën e numrit të marsit të InStyle dhe foli në revistë për fëmijën e saj të parë, vajzën Khai, të cilën e solli ne jetë në shtator 2020 me ish-partnerin Zayn Malik.
“Ajo është kaq e zgjuar dhe shumë e vetëdijshme. Shikon gjithçka, gjithmonë mëson, gjithmonë shikon,” tha Hadid për vajzën e saj 16 muajshe. “Ajo është thjesht e mrekullueshme.”
“Ende nuk mund ta besoj” shton ajo për mëmësinë. “Shumë nga shoqet e mamave të mia ndihen kështu, dhe ne po i afrohemi 2 viteve të para (me fëmijët tanë). Ti je i fiksuar pas tyre, por ndonjëherë kthehesh dhe thua: “O Zot. Po ti nga erdhe?”
Modelja pranon se ende “po përpiqet të mësojë” për mëmësinë, duke bërë shaka se ajo dhe shoqet e saj nëna “flasin vetëm për foshnjat dhe gjumin dhe për shishet e qumështit”, shkruan Living shqip.
“Unë kam një TikTok sekret, të cilin nuk e postoj dhe nuk ndjek askënd që njoh në të. Aty shoh video të nënave dhe recetave për ushqime bebesh”, thotë ajo.
