Ministri i Bujqësisë, Faton Peci ka folur për incidentin që kishte më deputeten Ganimete Musliu, e cila ka ngritur padi ndaj Pecit për shpifje.
Peci ka thënë se kush e ka “mizën nën kapuç” reagon.
“Është absurde edhe të sulmosh dikë edhe të paraqitesh si viktimë, xhirimet ekzistojnë krejt historia e mbarëvajtjes së komisionit në të cilin raportoja janë xhirimet, dhe filmimet dhe besoj që edhe qytetarët e kanë dhanë një lloj gjykimi se kush ishte viktima, dhe kush ishte sulmuesi në krejt këtë zhvillim”, tha Peci.
Peci tha se nuk e ka akuzuar direkt Musliun, por kush e ka mizën nën kapuç reagon.
Po ashtu, Peci folur përsëri për ish-kryetarin e LDK-së, Isa Mustafën.
Ai ka thënë se Mustafës i ka mbet ‘zhig’ të bëhet president i Kosovës.
“Ne asnjëherë nuk jemi ata që i ngrisim këto tema dhe këto polemika, disa herë ka ndodh që Mustafa qoftë përmes prononcimit, apo intervistave sikur i ka disa ‘zhig’ që i kanë mbet sa ka qenë pjesë e drejtimit të LDK-së, mes tyre mendoj se Isa Mustafa nuk është model i politikanit qoft në aspektin e udhëheqjes së institucioni qoftë në aspektin partiak që mund me nda diçka për shoqërinë ose njerëzit që kanë përgjegjësi institucionale” ka thënë Peci në Kanal 10.
Peci po ashtu ka thënë se Mustafa e kishte ëndërr të bëhej president i Kosovës, dhe për këtë ambicie po merret me presidentën Osmani tani.
