Ish-kryeministri Isa Mustafa në një intervistë të dhënë së fundmi ka kritikuar ish- anëtarët e LDK-së, e ndër ta ishte edhe Ministri i Bujqësisë, Faton Peci, përcjell InLajmi.
Peci ka reaguar duke iu adresuar Mustafës se as pensionimi nga politika nuk po e lë të qetë, ndërkaq theksoi se këtë të fundit e kanë arkivuar politikisht.
Po ashtu Peci ka thënë se Mustafa dhe aleatët e tij i kanë shkaktuar dëmet më të mëdha vendit tonë.
Postimi i plotë i tij:
Isa Mustafën as pensionimi politik nuk po e lë të qetë. Rri i qetë dhe mos pështyj e ofendo në mediume, sepse vetëm sa na e rritë krenarinë që ty dhe shokëve të tu, ju kemi arkivuar politikisht, e kemi shpëtuar vendin nga soji i shërbëtorëve të bandave politike.
Kohën për mendime politike e ke harxhuar tashmë, me një fund të palavdishëm. Nuk je model që mund të mbash leksione për politikbërjen e as për vizionin e këtij vendi. E kuptoj ndërgjegjen e vrarë për dëmin që i keni shkaktuar vendit me aleatët tuaj tradicional, porse nuk e kuptoj turrin tënd që të mbash moral politik.
Disa i mbanë mend historia për veprat, disa për turpin. Të parat ta kanë destinuar vendin e 2-të!/InLajmi/
