Rifat Latifi, ministri i Ministrisë së Shëndetësisë së Kosovës pas mbledhjes së Komitetit për menaxhimin e pandemisë këtë të enjte tha se masat që kanë qenë deri më tash kanë treguar efekt, por pas diskutimeve që kanë pasur me ekspertë shëndetësorë, njoftoi se ato do t’i dërgohen Qeverisë së Kosovës sot derisa nesër pritet të miratohen, raporton InLajmi.
Ministri Latifi theksoi se do të lehtësohen shumica e masave kundër koronavirusit.
“Hyrja në kufi do të jetë me 2 vaksina në kufi, ndërsa ata që i kanë 3 mund të hyjnë po ashtu. E ata që e kanë një vaksinë duhet me pas edhe një test PCR. Normalisht këto masa do t’i dërgohen sot Qeverisë së Kosovës ndërsa nga nesër pritet të miratohen”,bëri me dije Latifi.
Po ashtu, ministri njoftoi se nga nesër pritet të hiqet ora policore ndërsa do të hapen fitneset.
“Në anën tjetër, ora policore është shtyrë deri në orën 00:00, restorantet do të punojnë deri në ora 23:00. Por po e ritheksoj se nëse duhet të ndryshojnë masat kjo do të bëhet sipas nevojës. Ashtu si do të jetë gjendja, ashtu do të veprojmë ne”,bëri me dije Latifi./InLajmi/
