Pas 3 humbjeve të njëpasnjëshme, Los Angeles Lakers janë rikthyer te fitoret në NBA.
Në Crypto Arena të Los Angelesit, Lakers kanë arritur të fitojnë takimin përballë Portland Trail Blazers me 5 pikë diferencë, 99:94.
Anthony Davis në këtë takim ishte më i miri tek skuadra fituese me 30 pikë, 15 kërcime e 2 asistime, duke kontribuar edhe me 3 bllokada.
Lojë të mirë shfaqi edhe Carmelo Anthony me 24 pikë e 8 kërcime, derisa Russell Westbrook për një pikë nuk arriti ‘Triple-Double’, pasi e mbylli ndeshjen me 9 pikë, 10 kërcime e 13 asistime.
Norman Powell ishte më efikasi tek skuadra mysafire me 30 pikë, por që nuk mjaftuan për fitore, transmeton Telegrafi.
Lakers pas kësaj fitore ndodhen në vendin e 9 me 25 fitore e 27 humbje.
