Këtë të enjte është arrestuar kameramani i Ekonomia Online, Albion Selitaj nga Policia e Kosovës derisa po e kryente punën e tij, përcjell InLajmi.
Lidhur me këtë arrestim ka reaguar ashpër, Natyra Kuçi nga PSD-ja, e cila ndër të tjera ka theksuar se personi që arrestoi Policia nuk është as Rakiç e as Veselinovic, por është kameraman i një mediumi në Kosovë.
E krejt këtë ndodhi, sipas Kuçit paraqet një shembull të abuzimit të pushtetit.
Postimi i plotë i saj, pa ndërhyrje:
Ky nuk është as Rakiç dhe as Veselinoviç; ky është njeriu më i rrezikshëm në Kosovë: Albion Selitaj, kameraman i EkonomiaOnline.
Institucionet nuk janë të shenjta. Në dorën e pushteteve prapambetëse ato riprodhojnë realitetin shtypës e shfrytëzues. Këtu jo qe nuk përjashtohet Policia por janë shembull i abuzimit të pushtetit./InLajmi/
