Asociacioni i Gazetarëve të Kosovës, e ka dënuar ashpër arrestimin e gazetarit nga Policia e Kosovës i cili ishte duke e kryer punën e tij, përcjell InLajmi.
AGK e ka quajtur joprofesionale sjelljen e pjesëtarëve të Policisë së Kosovës dhe kërkon lirimin e tij të menjëhershëm.
Sipas AGK-së, policia janë ata që duhet të mundësojnë kushte për gazetarët e kameramanët që të raportojnë ngjarje të tilla në vend të pengimit të tyre.
Postimi i plotë nga AGK-ja:
AGK-ja dënon arrestimin e kameramanit, Albion Selitaj – kërkon lirimin e menjëhershëm
Policia e ka arrestuar sot në Suharekë kamermanin e agjenicsë së lajmeve, Ekonomia Online, Albion Selitaj, në kohën që ai po bënte detyrën e tij, duke raportuar nga aksioni i Policisë në NBI “Suhareka”.
AGK-ja e dënon ashpër sjelljen joprofesionale të pjesëtarëve të Policisë së Kosovës, dhe kërkon lirimin e menjëhershëm të tij.
AGK-ja pret nga Policia e Kosovës që në vend se të pengojë, të mundësojë kushte për raportim të punëtorëve medial në ngjarje të tilla./InLajmi/
