Ndryshimet e thjeshta të stilit të jetesës mund të përbëjnë një ndryshim në cilësinë e gjumit tuaj, transmeton InLajmi.
Ndiqni këto 10 këshilla për një natë më të qetë:
Mbani një orar të rregullt të gjumit
Të shkosh në shtrat dhe të ngrihesh përafërsisht në të njëjtën kohë çdo ditë do ta programojë trupin të flejë më mirë. Prandaj zgjidhni një kohë të flini kur jeni të lodhur apo të përgjumur.
Krijoni një mjedis të qetë gjumi
Dhoma juaj e gjumit duhet të jetë një vend i qetë për pushim dhe gjumë. Temperatura, ndriçimi dhe zhurma duhet të kontrollohen në mënyrë që ambienti i dhomës së gjumit t’ju ndihmojë të bini (dhe të qëndroni) në gjumë.
Nëse keni një kafshë shtëpiake që fle në dhomë me ju, mendoni ta zhvendosni diku tjetër nëse shpesh ju shqetëson gjatë natës.
Sigurohuni që shtrati juaj të jetë i rehatshëm
Është e vështirë të bësh gjumë të qetë në një dyshek që është shumë i butë ose shumë i fortë, ose një shtrat shumë të vogël ose të vjetër.
Bëj ushtrime rregullisht
Ushtrimet e moderuara në baza të rregullta, të tilla si noti ose ecja, mund të ndihmojnë në lehtësimin e një pjese të tensionit të krijuar gjatë ditës. Por sigurohuni që të mos bëni ushtrime të forta, si vrapimi ose palestër, shumë afër kohës së gjumit, pasi mund t’ju mbajë zgjuar.
Ulni sasinë e kafeinës
Zvogëloni sasinë e kafeinës në çaj, kafe, pije energjike ose kola, veçanërisht në mbrëmje. Kafeina ndërhyn në procesin e të fjeturit, dhe gjithashtu parandalon gjumin e thellë. Në vend të kësaj, pini një pije të ngrohtë me qumësht ose çaj bimor.
Mos e teproni me pije apo ushqim
Shumë ushqime apo pije veçanërisht vonë natën, mund të ndërpresin orarin tuaj të gjumit. Alkooli mund t’ju ndihmojë të bini në gjumë fillimisht, por do t’ju prishë gjumin më vonë gjatë natës.
Bëni dush para gjumit ose dëgjoni muzikë të qetë
Bëni një dush të ngrohtë, dëgjoni muzikë të qetë ose bëni joga, për të relaksuar mendjen dhe trupin tuaj.
Shkruani shqetësimet tuaja
Nëse keni tendencë të shtriheni në shtrat duke menduar për gjithçka që duhet të bëni nesër, lini kohë para gjumit për të bërë plane për ditën tjetër. Qëllimi është të shmangni këto gjëra kur jeni në shtrat, duke u përpjekur të flini, shkruan NHS.uk.
Lini një takim për të vizituar mjekun tuaj të përgjithshëm nëse mungesa e gjumit është e vazhdueshme dhe po ndikon në jetën tuaj të përditshme. /InLajmi/
