Pavarësisht reshjeve të borës që kanë filluar nga dita e djeshme, Ministria e Infrastrukturës deklaron se të gjitha rrugët janë të qarkullueshme.
Shefi i Departamentit të Mirëmbajtjes së Rrugëve në MI, Gëzim Osmani, tha se gjendja e rrugëve në tërësi është e mirë.
“Të gjitha rrugët janë të qarkullueshme për automjete. Kompanitë e MVD-së, të kontraktuara nga Ministria e Infrastrukturës, gjatë tërë kohës punojnë në pastrimin e rrugëve, si dhe hedhje kripe në rrugë”,ka thënë ai për Telegrafin.
Instituti Hidrometeorologjik i Kosovës bën të ditur se do të mbajë mot i ndryshueshëm.
IHMK-ja njofton se kjo situatë meteorologjike do të mundësohet si pasojë e masave të ajrit me presion relativisht të ulët atmosferike.
Të martën vranësirat e dendura, që do ta përfshijnë vendin, do të krijojnë kushte për reshje bore.
Do të fryjë erë kryesisht nga veriperëndimi me shpejtësi 1-8 m/s.
