Kryetari i Prishtinës, Përparim Rama, ka bërë të ditur se ditë më parë është takuar me ambasadoren franceze në Prishtinë Marie-Christine Butel, përcjell InLajmi.
Rama ka njoftuar se gjatë takimit është biseduar për shumë tema, ku njëra ndër to ishte projekto për ujërat e zeza, binjakëzimi i Prishtinës me qytetin e Nantes si dhe tema të tjera për art, kulturë e sport.
Postimi i plotë i tij:
Para pak ditësh, me ambasadoren franceze në Prishtinë, zonjën Marie-Christine Butel, zhvilluam një bisedë të shumanshme, duke trajtuar nevojën e projektit për ujërat e zeza, mundësitë për sjelljen e ekspertëve të profileve të ndryshme, binjakëzimin e Prishtinës me qytetin Nantes, zhvillimin e agroturizmit të zonave rurale të kryeqytetit, si dhe bashkëpunimin në sfera si arti, kultura e sporti./InLajmi/
