Kreu i Aleancës Kosovarë e Re, Behgjet Pacolli, ka reaguar pas arrestimi të kreut të Partisë Socialdemokrate, Dardan Molliqaj, duke quajtur arrestim të padrejtë mbi të gjitha i panevojshëm, përcjell InLajmi.
Një shtet demokratik siç tanimë është Kosova nuk do të duhej të vepronte në këtë mënyrë, sipas Pacollit këso lloj arrestimesh nuk bëhen në një shtet që ka arritur demokraci.
Sipas tij ky veprim i Policisë së Kosovës nuk është për tu duartrokitur sepse është i politizuar, ndërsa është shprehur i bindur se Molliqaj nuk ka qenë i ftuar nga policia sepse në të kundërtën vet do të dorëzohej.
Postimi i plotë i tij:
Arrestimi sonte i Dardan Molliqajt është i padrejtë dhe i panevojshëm për shtetin demokratik që kemi ndërtuar deri tash. Arrestime të tilla nuk shihen në demokraci. Ky është lajm i keq për demokracinë kosovare. Solidarizohem gjithmonë me policinë e Kosovës por jo edhe me politizimin e saj. Une jam i bindur se po të kishte ftesë Molliqaj vet do të lajmërohej aty ku do të ftohej. /InLajmi/
