Dukuria mjaftë shqetësuese, sulmi i zyrtarëve policorë gjatë punës së tyre dita ditës veç po rritet, bazuar në njoftimet e Policisë së Kosovë, përcjell InLajmi.
Një patrullë e Policisë këtë të hënë derisa ishin në asistencë të inspektorëve të Agjencisë së Ushqimit dhe Veterinarisë në disa lokale në Rahovec janë sulmuar me thikë nga 2 persona të cilët ishin nën ndikimin e alkoolit.
Kështu ka njoftuar Policia e Kosovës përmes një njoftimi derisa më tej bënë me dije se 3 zyrtarët policorë, si pasojë e lëndimeve të marra janë dërguar menjëherë për trajtim mjekësorë, derisa 2 personat e dyshuar për sulm ndaj policëve janë arrestuar.
Njoftimi i plotë i Policisë së Kosovës:
Arrestohen 2 persona –sulm ndaj personave zyrtar ( policëve)
Gjakovë: 31.01.2022
Datë 30.01.2022 pas orës 21:00, një patrullë policore nga Stacioni policor në Rahovec ishte në asistencë të inspektorëve të AUV-it dhe ishin ne veprim në lokalin “PRIVE” në Rr. “Mulla Cufa “ në Rahovec, dhe aty kanë has në 2 persona nën ndikim të alkoolit, e të cilët nuk kane zbatuar urdhëratë e zyrtarëve policor që të dalin nga lokali.
Të njëjtit kanë sulmuar personat zyrtar ( policët). ku njeri nga të dyshuarit ka përdor mjet të mprehtë. (Thikë) duke ju shkaktuar lëndime trupore.
2 personat e dyshuar janë arrestuar dhe janë sjelle në lokalët e Stacionit policor – Rahovec.
3 zyrtarët policor kanë pranuar ndihmën mjekësore.
Lidhur me rast është informuar prokurori kujdestar dhe me urdhër te tij, te dyshuarit ndalohen për 48 orë./InLajmi/
