I Dërguari Special për Ballkanin, Gabriel Escobar dhe Emisari Special i BE-së për dialogun Kosovë-Serbi, Miroslav Lajcak, do të vijnë në Kosovë, ndërsa tema kyçe të diskutimit pritet të jenë dialogu dhe Asociacioni, përcjell InLajmi.
E pyetur lidhur me këtë vizitë, presidentja e vendit, Vjosa Osmani tha se janë duke diskutuar që ta qojmë përpara dialogun Kosovë-Serbi, gjegjësisht drejt një zgjidhje, siç është njohja e ndërsjelltë.
Por sipas saj asesi njohje me modele siç ka ndodhë në Bosnje dhe Hercegovinë.
“Dua ta qartësoj qysh tani se propozimet që po përfliten kinse për autonomi të zgjeruar asnjëherë nuk i janë prezantuar palës tonë, institucioneve të vendit tonë. Ajo që është problem i madh është se kanë qenë përfaqësues të Kosovës të cilët i kanë nënshkruar marrëveshjet e dëmshme, e Asociacionit i kanë dhënë kompetencë. Nga ish kryeministra tonë janë nënshkruar derisa është praktikuar tendenca që të hidhet fajësia te komuniteti ndërkombëtarë”,tha Osmani.
Më tej ajo e ritheksoi se janë të vendosur që të mos lejojnë të implementojnë modele që do ta bënin Kosovën shtet jo funksional, sidomos kur dihet se me çfarë sacrifice është ndërtuar shteti ynë.
“Qëndrimet tona janë të qarta dhe nuk kanë qenë befasi”,tha më tej ajo./InLajmi/
