Kryeministri i Kosovës, Albin Kurti, ka kujtuar Zahir Pajazitin, Hakif Zejnullahun dhe Edmond Hoxhën, në 25 vjetorin e rënies së tyre, përcjell InLajmi.
Kurti ka thënë se Zahir Pajaziti, Hakif Zejnullahu e Edmon Hoxha ishin ndër pararendësit më të shquar të UÇK-së.
Tutje ai ka kujtuar jetën dhe veprat e tyre horike duke i shquar si heronj që frymëzojnë vendin tonë.
Postimi i plotë i tij:
Ata janë veprimi që na mbrojti frymën.
Komandanti Zahir Pajaziti ishte ndër pararendësit më të shquar të Ushtrisë Çlirimtare të Kosovës. Bashkë me Hakif Zejnullahun dhe Edmond Hoxhën, ata kryenin aksione kundër okupatorit edhe para se të fillonte lufta çlirimtare.
Emrat e tyre dhe shumë të tjerë si këta heronj do të na frymëzojnë brez pas brezi. Kushti i domosdoshëm i lirisë gjendet te njerëz të tillë. Ata e detyrojnë vetëdijen tonë t’i lidhet pazgjidhshëm lirisë. Ilegaliteti ka qenë historikisht veprimi që na mbante gjallë. Në ilegalitet përfshiheshin puna, aksioni dhe individi që na mbanin gjallë frymën. Veprimtaria e tyre para pushtimit hegjemonik e të dhunshëm, ekonomik dhe propagandistik, ishte shpallja e mundësisë së luftës, ishte lartimi i ndjenjës së çlirimit, ishte motivi i besimit.
Sot, në 25 vjetorin e rënies së tyre, vendosëm lule të freskëta për këta luftëtarë të paepur. Ne vendosëm një dëshmi të vetëdijes sonë.
Lavdi të gjithë heronjve, dëshmorëve e martirëve të populli tonë!/InLajmi/
