Deputetja nga radhët e PDK-së, Blerta Deliu-Kodra, i ka bërë thirrje presidentes Vjosa Osmani që të kundërshtojë shtrenjtimin e energjisë elektrike, përcjell InLajmi.
Sipas Deliut, presidentja Osmani nuk po vepron e pavarur përderisa nuk po del me një deklaratë për shtrenjtimin e energjisë elektrike.
Deliu tha se këtë të hënë është dita e fundit që Osmani të dalë para qytetarëve e ta mbrojë interesin e tyre.
Postimi i plotë i saj:
Sot është dita e fundit që Presidentja e Kosovës, Vjosa Osmani, të dalë dhe të mbrojë interesin e qytetarëve të Kosovës.
Presidente, vepro e pavarur nga Kryeministri Kurti dhe Lëvizja Vetëvendosje: Dil dhe mbroje interesin e qytetarëve të Kosovës.
Presidente, dil dhe kundërshtoje shtrenjtimin e energjisë elektrike.
Presidente, mos rri në rrugën e Kryeministrit Kurti. Paralajmërimi i tij se nuk ka zgjidhje tjetër përveç shtrenjtim të energjisë elektrike, nuk duhet të vlejë si parashkrim i qëndrimit tënd./InLajmi/
