Adnan Januzaj pritet të largohet nga Real Sociedadi, por jo në afatin kalimtar dimërorë.
Sulmuesi shqiptar nuk ka pranuar rinovimin e kontratës me klubin bask, kontratë e cila skadon në verën e këtij viti.
Gjiganti italian Napoli po monitoron situatën e istogasit dhe është gati ta transferojë atë në Diego Armando Maradona Stadium.
Kontaktet e para mes klubit italian dhe agjentëve të lojtarit tanimë kanë nisur.
Napoli synon që të nënshkruajë një parakontratë me reprezentuesin e Belgjikës qysh në muajin shkurt në mënyrë që Januzaj t’u bashkohet në verë si transferim i lirë, shkruan Corriere dello Sport
26-vjeçari në Napoli pritet të jetë zëvendësuesi i kapitenit Lorenzo Insigne i cili do t’i bashkohet skuadrës kanadeze Toronto FC, transmeton Telegrafi.
Januzaj këtë edicion ka zhvilluar 30 ndeshje me Real Sociedad ku ka shënuar 4 gola e ka asistuar në 3 të tjerë.
