Këtë të hënë është mbajtur mbledhja e parë e Kuvendit të Komunës së Deçanit për vitin 2022, përcjell InLajmi.
Në këtë mbledhje është biseduar edhe për situatën me koronavirus në shkollat e komunës së Deçanit, ku sipas Drejtorit të Arsimit Bekim Vishaj, aktualisht janë të infektuar 128 nxënës dhe 21 mësimdhënës dhe 3 shkolla janë duke zhvilluar mësimin online.
Ndër të tjera Komuna e Deçanit ka njoftuar se të hyrat komunale në këtë komunë për vitin 2021 janë rritur për 208.867.01 euro, gjë që për ta ishte e papritur sepse ka pasur rritje më shumë se që është planifikuar.
Në takim është propozuar rendi i punës ku është bërë shqyrtimi dhe miratimi i procesverbalit nga mbledhja e kaluar.
Gjithashtu bëhet e ditur se është bërë zëvendësimi i anëtarëve të Kuvendit që kanë dhënë dorëheqje.
Njoftimi i plotë nga Komuna e Deçanit:
Të hyrat komunale për vitin 2021 në komunën e Deçanit, shënojnë rritje 208.867.01 euro më shumë sa ishte planifikuar
E udhëhequr nga kryesuesi i Asamblesë Komunale z.Hajdar Sutaj, ku prezent ishte Kryetari i Komunës z.Bashkim Ramosaj , nënkryetar z.Sami Cacaj, drejtor të drejtorive komunale, shoqëri civile dhe qytetar është mbajte mbledhja e I-rë e rregullt e Kuvendit të Komunës së Deçanit për vitin 2022,
Për këtë takim ishte propozuar ky rend pune :
1.Shqyrtimi dhe miratimi i procesverbalit nga mbledhja e kaluar,
2.Zëvendësimi i anëtarëve të Kuvendit që kanë dhënë dorëheqje dhe dhënia e betimit solemn të anëtareve të rinjë që kanë marrë mandatin
3.Shqyrtimi dhe aprovimi i Planit të punës së Kuvendit për vitin 2022
4.Marrja e Vendimit për mbajtjen e mbledhjeve të rregullta dhe mbledhjeve publike të Kuvendit dhe si mbledhjeve të KPF-së për vitin 2022
5.Shqyrtimi dhe miratimi i-Rregullores për Punë të Kuvendit,
6.Shqyrtimi dhe miratimi i ndryshimeve dhe plotësimeve në Komitetin e Komuniteteve ,
7.Marrja e vendimit për rritjen e buxhetit komunal të vitit 2021 nga të hyrat vetanake të vitit 2021
8.Themelimi I Komisionit për Emërtimin ,Riemërtimin e Shesheve , Rrugëve , Rrugicave dhe Vendeve të tjera publike ,Komision cili do të bëjë edhe ndryshim-plotësimin e Rregullores për punën e tij (Rregullore e punës së Komisionit për emërtimin , Riemërtimin e Shesheve ,Rrugëve ,Rrugicave dhe Vendeve të tjera Publike)
9.Themelimi I Komisionit Komunal të Aksionarëve të Ndërmarrjes Komunale ,,Higjiena’’ SH.A
10.Shqyrtimi I Model Rregullores për Shërbimet Publike Komunale ,
11.Të ndryshme
Pas shqyrtimit dhe miratimit të procesverbalit nga mbledhja e kaluar është bë zëvendësimi i anëtarëve të Kuvendit që kanë dhënë dorëheqje ,Sami Cacaj-Nënkryetar i Komunës ,Agnesa Vokshi-Drejtoresh e Shëndetësisë , Punës dhe Mirëqenies Sociale , betimin e kanë dhënë Lulavere Qorraj-Selmanaj, Fekri Qufaj nga radhët e AAK-së.
Edhe pikat 3,4 dhe 5 me shumicë votash janë miratuar në kuvend.
Pika e 6-të e rendit të ditës më shumicë votash është miratuar mbase janë zëvendësuar 2 anëtar nga Komiteti i Komuniteteve.
Poashtu më shumicë votash , pas një debate pozitë -opozitë dhe arsyeshmërisë së dhen është miratuar pika e 7-të e rendit të ditës lidhur më rritjen e buxhetit komunal të vitit 2021 nga të hyrat vetanake të vitit 2021, ne vlerë mbi 208.684.01 euro, ku ishte planifikuar që në vitin 2021 rritja e buxhetit të jetë 646.165.00€ ku në total kapë shifrën 855.032.01€
Seanca ka vazhduar më pikën e 8-të themelimin e Komisionit për Emërtimin, Riemërtimin e Shesheve, Rrugëve, Rrugicave dhe Vendeve të tjera publike, Komision i cili do të bëjë edhe ndryshim-plotësimin e Rregullores për punën e tij ( Rregullore e punës së Komisionit për Emërtimin, Riemërtimin e shesheve, rrugëve, Rrugicave dhe Vendeve të tjera publike).
Komisioni ka këtë përbërje nga të gjitha subjektet politike :
1.Yllarta Thaqi-AAK
- Arjan Dobraj-AAK
3.Floriana Hulaj-AAK
- Elmedina Sadikaj-AAK
5.Skender Kurmehaj- LDK
- Orges Tafilaj – VV dhe
7.Mon Selmonaj – PDK
Në ketë seancë në pikën 9-të është themeluar Komisioni Komunal i aksionarëve të Ndërmarjes Publike Komunale “Higjena” Sh.A.
1.Lendita Berisha –AAK
2.Armend Loshaj –AAK
Ky komision do të plotësohet në ditët në vijim edhe më një anëtar nga egzekutivi komunal.
Në pikën 10-të lirdhur më Shqyrtimin e Model Rregullores për Shërbimet Publike Komunale, për këtë model rregullore është debatuar nga të gjitha subjektet politike poashtu edhe janë dhëne arsyeshmërit nga zyrtarët përgjegjës ka marrë dritën e gjelbër për proceduar të mëtutjeshme për të ju nënshtruar diskutimeve publike dhe kthimit prapë në kuvend për miratim.
Në të ndryshme është diskutuar për gjendjen me pandeminë Covid-19 në shkolla e Komunës së Deçanit, ku sipas Drejtorit të Arsimit Bekim Vishaj, aktualisht janë të infektuar 128 nxënës dhe 21 mësimdhënës dhe 3 shkolla janë duke zhvilluar mësimin në variantin C.
Ndërsa drejtoresha e Shëndetësisë dhe Mirëqenies Sociale Agnesa Vokshi bëri të ditur nga data 15.01.2022 ka rritje të numrit të infektuarve në komunën e Deçanit , aktualisht kemi raste aktive shumë gjë e cila e pamundëson që të jem afër secilit me ndihmë financiare. Në QKMF-në ,,Adem Ukëhaxhaj’’ në Deçan , çdo ditë kryhen edhe testime për Covid-19 nga ora 11:00-13:00.Teste ka të mjaftueshme tha Drejtoresha. Për rastet me COVID-19 ka folur edhe Halil Tolaj, Drejtor i Inspekcionit duke bërë thirrje për vaksinim.
Në të ndryshme u diskutua edhe për mundësinë e ngritjes së një Komisioni për elaborimin e pronave që ndodhen në kuadër të Parkut Nacional.
Në ketë seancë u dakorduan që në seancën e muajit shkurt të ftohet menaxhmenti i Kompanisë Rajonale të Ujësjellsit ’’Hidrodrini’’SH.A për të raportuar për sistemin e ujësjellësit dhe furnizimin me uji të pijes nga qershori 2021 deri më tani./InLajmi/
