Pas 7-të raundesh të dështuara të zgjedhjes së presidentit, kreu në detyrë i shtetit italian, Sergio Mattarella pranoi të kandidojë sërish dhe fitoi më shumë vota se shumica absolute.
Përkundër deklaratës së tij, se nuk do të kandidonte më, presidenti italian, Sergio Mattarella e deklaroi edhe njëherë kandidaturën për kreun e shtetit. 80-vjeçari mori në raundin e 8-të të votimit 759 vota, dhe kaloi me këtë dukshëm edhe shumicën absolute me 505 vota.
Presidenti i dhomës së deputetëve, Robert Fico deklaroi se kanë votuar 983 deputete dhe deputetë. Askush nuk ka abstenuar. 90 vota i mori ish-prokurori, Carlo Nordio, që mbështetej nga partia ekstremiste, Fratelli d’Italia. Kurse prokurori tjetër dhe i njohur si gjuetari i mafias, Nino di Matteo mori 37 vota, shkruan DW.
Pas disa ditësh gjendjeje pati, disa parti i kishin drejtuar lutje Mattarellas të hiqte dorë nga deklarata për mos kandidim. Sipas medieve italiane, ishte kryeministri, Mario Draghi që kishte kaluar disa ditë për të bindur Matarellan të qëndrojë në post. Edhe kreu i Legas opozitare, Matteo Salvini kishte kërkuar që Mattarella të qëndrojë në post.
