Deputeti i Kuvendit të Kosovës, Bekim Haxhiu, se fundmi ka bërë të ditur se pas testimit ka rezultuar pozitiv me Covid-19, përcjell InLajmi.
Haxhiu ka bërë të ditur faktin së është i vaksinuar e që sipas tij kjo i ka ndihmuar që edhe simptomat ti ketë më të lehta, ndërsa është shprehur se pas 2 viteve pandemi është hera e parë që ai po rezulton pozitiv.
Deputeti po zbaton rekomandimet e ISHKPK-së duke qëndruar i izoluar deri në rezultim negativ.
Postimi i plotë i tij:
Të nderuar miq!
Pas 2 testimeve të bëra në 24 orët e fundit rezultova pozitiv me Covid-19.
Në këto 2 vite të pandemisë për herë të parë kam rezultuar pozitiv.
Duke qenë i vaksinuar me 2 dozat e vaksinave, simptomat janë të lehta.
Bazuar në rekomandimet e IKSHPK-së në ditët në vijim do të jem në izolim, derisa të rezultoj negativ.
Me respekt,
Bekim Haxhiu /InLajmi/
