Drejtoria Rajonale e Policisës së Kosovës në Ferizaj ka bërë të ditur se për shkak të fluksit të madh të qytetarëve që povizitojnë Qendrën e Skijimit në Brezovicë, nuk ka vende në parking, përcjell InLajmi.
Për këtë arsye nga policia njoftojnë se automjetet duhet të ndalen tek laura në hyerje të Parkut Nacional derisa të lirohen vendet në parking.
“Për shkak të fluksit të madh të qytetarëve dhe atumjeteve të shumta në Qendrën e Skijimit në Brezovicë, i njoftojmë qytetarët se tani për tani nuk ka vende për parking, të gjitha vendet e rezervuara për parking të automjeteve janë të mbushura tek Qendra e Skijimit, andaj automjetet do të ndalohen tek laura në hyerje të Parkut Nacional deri në momentin kur lirohet vendi i parkimit.Patrullat e policisë do të jenë tek udhëkryqi i rrugës që qon në Qendrën e Skijimit në Brezovicë dhe tek laura ku fillon Parku Nacional do të mbikëqyrin rrjedhën e komunikacionit dhe do të mbajnë në kontakt nga afër shoferët e automjeteve që në momentin kur lirohet vend parkingu tek Qendra e Skijimit do tu mundësohet lëvizja e tyre”, thuhet në njoftim./InLajmi/
