Kryetari i Partisë Demokratike, Lulzim Basha, ka komentuar procesin e zgjedhjeve primare që organizoi Komisioni i Rithemelimit, për të nxjerrë kandidatët për zgjedhjet e pjesshme vendore, përcjell InLajmi.
Sipas Bashës, Partia Demokratike e Shqipërisë është shpresa e vetme për ndryshim.
Ai thekson se edhe pse Partia Demokratike e ka përballë Edi Ramën, Sali Berishën dhe Ilir Metën, përsëri do të ecë drejt një të ardhme më të mirë për Shqipërinë.
Kryetari i PD-së thotë se as Berisha dhe as kandidatët e tij nuk i lidh asgjë me PD-në sepse sipas tij në një proces kur ai emëron ose voton krijohet vetëm tollovi.
Ai gjithashtu thotë se Rama dhe Berisha po krijojnë një parti të re për ta dëmtuar PD-në dhe për ta mbajtur akoma në votime Shqipërinë.
Postimi i plotë i tij:
Një proces ku Berisha emëron, Berisha voton, Berisha numëron është vetëm vijimi i tollovisë të krijuar nga personi i shpallur non grata për korrupsion. As Berishën, as kandidatët e tij nuk i lidh asgjë me Partinë Demokratike.
Rama dhe Berisha po krijojnë një parti të re për të dëmtuar Partinë Demokratike dhe për ta mbajtur akoma në vendnumëro Shqipërinë. Zgjedh Ramën, mban Berishën. Zgjedh Berishën, mban Ramën.
Partia Demokratike e Shqipërisë shtë sot shpresa e vetme për ndryshim. Përballë kemi si asnjëherë tjetër Edi Ramën, Sali Berishën dhe Ilir Metën, që së bashku janë më të vegjël se ç’kanë qenë kurrë më parë. Partia Demokratike, e çliruar nga hijet e të kaluarës, bashkë me shumicën e shqiptarëve, do ecë drejt një të ardhmeje më të mirë.
/InLajmi/
