Zyra e presidentes së Kosovës, ka njoftuar për shpenzimet që janë bërë gjatë vitit 2021 të cilat janë të parapara për udhëtime jashtë vendit, karburante, dreka dhe darka, përcjell InLajmi.
Sipas këtij njoftimi shpenzimet kanë qenë me të vogla në krahasim në vitet e më hershme, duke arsyetuar shpenzimet për dreka dhe darka si shpenzime për miq të cilët kanë vizituar vendin, pra për miq të huaj.
Ndërsa shpenzimi parasë publike sipas zyrës së presidentes është sfide, dhe duhet të përdoret në mënyrë korrektë, duke mos u keqpërdorur.
Postimi i plotë i tij:
Shpenzim i parasë publike, e sidomos transparenca se si shpenzohet ajo, ka qenë sfidë e vazhdueshme në vendin tonë. Me vite me radhë mediat, shoqëria civile e publiku në përgjithësi kanë bërë thirrje për më shumë transparencë në këtë drejtim. E përveç transparencës, i domosdoshëm ka qenë edhe kursimi i parasë publike.
Prandaj, Zyra e Presidentes do t’i publikoj në mënyrë proaktive shpenzimet e realizuara për dreka e darka, udhëtime jashtë vendit e karburante. Buxheti i presidencës shfrytëzohet nga Presidentja dhe Kabineti, Administrata (shërbimi civil), Këshilli Konsultativ për Komunitete dhe ish-Presidentët, të cilëve u takojnë benefite të caktuara të parapara me ligj.
Siç mund të vërehet lehtë, viti 2021 ka qenë viti kur Presidenca ka shpenzuar më së paku përgjatë viteve të fundit. Shpenzimet janë ulur në mënyrë drastike në të gjitha kategoritë. Shpenzimet për nevoja të kabinetit janë poashtu minimale.
Të gjitha udhëtimet jashtë vendit janë realizuar me fluturime në klasë ekonomike, pa shpenzuar asnjë cent të panevojshëm, dhe me delegacione të kufizuara në numër.
Drekat e darkat janë shtruar kryesisht për miq të Republikës së Kosovës, për të kultivuar raportet mes shteteve.
Veturat zyrtare janë përdorur e do të përdoren vetëm e vetëm për punë dhe aktivitete zyrtare, për çfarë janë të destinuara. /InLajmi/
