Bregdeti Lindor i SHBA-së është goditur nga një stuhi e madhe bore, për herë të parë në 4 vitet e fundit.
Në disa zona parashikohet të ketë borë të dendur dhe erëra të forta, ku 5 shtete kanë shpallur gjendje emergjente përpara mbërritjes së stuhisë.
Ekspertët paralajmërojnë reshje “historike” të borës, madje në disa vende parashihen edhe përmbytje.
Më shumë se 80.000 familje në të gjithë Massachusetts pësuan ndërprerje të energjisë deri në mëngjesin e sotëm.
Ekspertët thonë se ka një shans që stuhia, e njohur si Nor’Easter, të mbulojë zonën e Bostonit me deri në 61cm borë, shkruan BBC.
Gjithashtu, mbi 5.000 fluturime në SHBA janë anuluar gjatë fundjavës për shkak të motit të keq, transmeton Klankosova.tv.
Ndryshe, stuhia e fuqishme filloi të godasë në orët e para të mëngjesit të sotëm dhe tashmë ka përfshrië një sërë shtetesh.
