Policia e Kosovës ka njoftuar se gjatë mbajtjes së protestës të mbajtur nga PSD-ja këtë të shtune, janë lënduar 3 zyrtarë të policisë, përcjell InLajmi.
Këta policë janë lënduar për shkak të hudhjes së gjësendeve nga protestuesëve në drejtim të tyre, mirëpo siç njofotn policia, lëndimet nuk kanë qenë të rënda.
Tutje nga policia thonë se për shkak të këtyre rrethanave, është duke u hetuar rasti që cilësohet si “sulm ndaj personit zyrtar në kryeje të detyrës zyrtare”.
Njoftimi i plotë nga Policia e Kosovës:
Të shtunën orës 14:00, në sheshin “Skënderbeu” në Prishtinë, një numër i konsiderueshëm personash kanë zhvilluar një aktivitet protestues.
Në përputhje me autorizimet ligjore, Policia e Kosovës ka ushtruar kompetencën e saj dhe përgjatë gjithë kohës sa ka zgjatur protesta ka monitoruar situatën me qëllim të ruajtjes së nivelit të sigurisë dhe krijimit të rrethanave të përshtatshme dhe të sigurta për pjesëmarrësit në manifestim si dhe mbarëvajtjen e manifestimit, por pa u cenuar cilësia e jetës përpjesën tjetër qytetare, jo pjesëmarrëse.
Megjithatë, disa nga pjesmarrësit kanë shpërfillur urdhërat e zyrtarëve policor, të cilët përtej hudhjes së gjësendeve të ndryshme, me veprimet dhe sjelljet e tyre u kanë shkakuar lëndime të lehta 3 zyrtarëve policor që ishin në kryerje të detyrës zyrtare.
Aktualisht policia po trajton rrethanat që karakterizojnë ngjarjen përderisa po koordinon veprimet me mekanizmat e tjerë për zbatim të ligjit, duke iniciuar edhe një hetim për rastin “Sulm ndaj personit zyrtar në kryeje të detyrës zyrtare”./InLajmi/
