Këshilli për Mbrojtjen e të Drejtave dhe Lirive të Njeriut ka reaguar këtë të shtunë lidhur me protestën e Partisë Socialdemokrate, përcjell InLajmi.
Kjo protestë sipas KMDLNJ-së ishte e qetë, por se janë shkelur rregullat anti Covid 19, pasi që nuk përfillej distance sociale.
“Në fund të protestës janë hudhur drejt objektit të qeverisë poça elektrike dhe qirinj për të simbolizuar terrin dhe dritën. KMDLNJ është kundër rritjes së paralajmëruar të çmimit të energjisë elektrike sipas ZRRE dhe kërkon një rritje lineare të çmimit të rrymës që do të ishte i përballueshëm për qytetarët e Kosovës, pa bërë asnjë dallim”,njofton KMDLNJ, përmes një njoftimi për medie.
Sipas vëzhguesve të KMDLNJ- së në këtë protestë, numri i protestuesve ishte 2.500-3.000
Ndryshe, KMDLNJ ka reaguar vazhdimisht lidhur me propozimin e shtrenjtimit të energjisë elektrike, gjegjësisht mos pagesës së energjisë nga ana e serbëve në Veri të Mitrovicës./InLajmi/
