Dhomat e Specializuara kanë publikuar raportin mbi vizitën 2 ditore të Kadri Veselit në Kosovë pas vdekjes së nënës së tij. Në raport bëhet e ditur se mbrojtja e Veselit ka kërkuar që t’i mundësohet vizitë 3 ditëshe ndërkaq gjyqtari ia ka lejuar vetëm 2 ditë.
Në raport jepen detaje për vizitën e Veselit tek varri i nënës së tij i shoqëruar nga policët e Speciales.
Ai ka takuar familjen e ngushtë dhe disa familjarë të tjerë nën përkujdesjen e zyrtarëve policorë teksa s’është lejuar që të përdorë telefon apo mjet tjetër komunikimi e as ndonjë shkëmbim tjetër gjësendesh siç janë lapsi apo letra.
“Sekretaria i ofroi gjyqtarit të procedurës paraprake azhurnime të rregullta gjatë vizitës së paraburgimit, siç specifikohet në vendim.Veseli është transferuar në një objekt të sigurt në Kosovë, ku ka qëndruar gjatë gjithë kohës në paraburgim dhe nën përcjellje. Veseli vizitoi varrin e nënës së tij në shoqërinë e oficerëve përcjellës, bëhet me dije në raportin e Speciales
“Menjëherë pas kësaj, Veseli u transportua në Veseli vizitoi 2 grupe të vogla të vizitorëve të autorizuar, pas verifikimit të identitetit, secili i përbërë nga 4 anëtarë të familjes së ngushtë. Veseli ka vizituar grupin e parë 2 herë, para dhe pas vizitës me të 2-in grup. Gjatë vizitës së tij me grupin e 2, një anëtar i afërt i familjes u largua dhe një i afërm i autorizuar i shkallës së 2 u lejua të hynte dhe t’i bashkohej grupit të 2”,thuhet në një pjesë të raportit të Speciales
Pas takimeve me familjarë, Veseli është transportuar në qendrën e sigurt të ndalimit të Speciales, transmeton Gazeta Express.
Tutje në raport thuhet se ish-kryetari i Kuvendit, Kadri Veseli ka respektuar instruksionet e oficerëve korrektues gjatë vizitës në Kosovë
